может есть ошибки))
Боз булутла къачхы джелге бойсуна
Барадыла къыбыла таба Шималдан
Чырмаладыла Миннги Тауну бойнуна
Кеб мычымай къарайдыла башындан...
Булутлагъа тирелмезге кюреше
Деу садакъны учу кибик тизилиб
Бирбинден хапар биле, селеше
Къалмасын дей..онгусзуракъ юзюлюб
Сиз учасыз къыбыла таба турнала
Сау къал эте, къанат къагъа, къычыра
Бир бирде кюй сокгъан кибик зурнала
Чыгъарадыла сейир мыдах макъамла
Сизни къанат тюбюгюздеди джуртубуз
Ушамайды сизге мени джазыуум
Бюгюн къанат тюбюндеме джуртуму
Бек эскертеди кесин озгъан джарсыуу...
Ким биледи энди сизни ненчагъыз
Къайтмай къалыр джаз бла бирге таулагъа
Сиз къайтыргъа таулада да ненчабыз
Кете бара сукъланырла саулагъа...
:)