Лявон Вольскі - Сака ды Грышка. Партрэт кандыдата. Текст песни. Слова песни. Lyrics.

Як багата ў нас тэматаў
Для дакладаў і трактатаў -
Вось працуе ў полі трактар,
Вось заводы грукацяць,
Ну а я пясняр заўзяты
Зухаваты небагаты
Пра народных дэпутатаў
Буду песню вам спяваць.

Быў заўжды на дэпутатаў
Наш з табою край багаты.
Зазірні ў любую хату -
Дэпутаты там сядзяць,
А калі не дэпутаты,
Значыць нехта з апарату,
З вертыкалі, з падатковай
Ці з міліцыі хаця б.

Засядае год ад году
Частка лепшая народу.
То ахоўвае прыроду,
То Яўропу закляйміць.
Разьбіраюцца ў бюджэце,
Пьюць дык толькі на банкеце
І ня болей, чым па дзвесці.
Нам бы так з табою піць!

Так ад рання да змяркання
На павестцы дня пытанні:
Як пісаць на прыбіральнях -
Эм і жэ ці мэ і жо,
Пра падатак на патлатых,
Пра праклятых дэмакратаў
І што трэба для парадку
Усіх кастрыраваць бамжоў.

Дэпутат з народам разам
Кролем плавае і брасам.
Між спакусаў і абразаў
Дэпутацкая душа.
І мацнее з кожным разам
Недавер народных масаў
На чале з рабочым класам
Да ЕЭС і ЗША.

Дарагія дэпутаты,
Вам і хаты, і пасады,
Вам палаты і аклады,
Вам і цела, і душу.
Мы хоць часта ужываем,
Вас шануем, паважаем.
А як зробімся бамжамі,
Не кастрыруйце прашу!

Комментарии:

Пока нет комментариев.

Добавить комментарий

Что не стоит писать в комментариях:
Не нужно писать в комментарии типа: "Песня класс!", "Крутая песня!", "Супер!" и т. д. Такие комментарии будут расцениваться как флуд и будут удаляться.
О чем нужно писать в комментариях:
Представьте, что Вы пишите рецензию, отзыв о песне. Расскажите, чем Вам понравился текст, музыка, какие чувства и мысли они у Вас вызвали. Отразите свое мнение в комментарии о песне.

Имя:

E-mail:

Комментарий:

Лявон Вольскі – Сака ды Грышка. Партрэт кандыдата 0