LOIQ SHERALI ЛОИК ШЕРАЛИ - Chordard Чордард (в исполнении Зарины Точибоевой). Текст песни. Слова песни. Lyrics.

Яке дарди бимонӣ зинда ё на,
Яке дарди чӣ пеш ояд сари зо.
Яке дарди чӣ хоҳад буд имрӯз,
Яке дарди чӣ хоҳад буд фардо;

Яке дарди кӣ меорӣ ба дунё,
Варо рӯзӣ чию қисмат чӣ ранг аст;
Яке дарди чӣ ояд пеши роҳаш,
Ки одам моҳию дунё наҳанг аст.

Барои кӯдакат ҳам дому ҳам ком
Бубинӣ чор девори азалро.
Миёни чор самти курраи арз
Бубинӣ ҳам амалро, ҳам аҷалро.

Пас аз зодан ба банди синаи гарм
Бияфшорӣ, бимолӣ рӯй бар рӯ.
Миёни чордевори пур аз меҳр
Ба ҳар дардаш биҷӯӣ чордору.

Бисозӣ чор афзораш муҳайё
Ба ҳукми чор фасли зиндагонӣ,
Ки андар чорроҳи ҷустуҷӯҳо
Намонад нобалад ё бенишоне.

Намедонӣ, ки дар он чорроҳа
Кадомин роҳ ӯро ихтиёр аст.
Ба ҳар роҳе, ки бошад омаду шуд,
Тамоми умр чашмони ту чор аст.

Умедат ин бувад аз фоли қисмат,
Ки фарзандат дилозоре набошад.
Чӣ коре ҳам кунад, бошад саломат,
Валекин чорбозорӣ набошад.

Аё модар, бимирам дар нафасҳот,
Ки дунё бо дуоҳои ту боқист.
Намирад ҳеҷ гаҳ дунё зи офат,
Дар ин дунё чу дунёи ту боқист!

Аё модар, бимирам дар қадамҳот,
Ки бар ҳар бори ту сарбор дард аст.
На танҳо чордардат вақти зодан.
Тамоми зиндагият чордард аст!

Ба он як дил, ба он як ҷону як тан
Кашӣ ҳар лаҳза, ғампарвади олам,
На танҳо чордард, аз он гаронтар –
Тамоми дарди одам, дарди олам!

[1982]

Комментарии:

Пока нет комментариев.

Добавить комментарий

Что не стоит писать в комментариях:
Не нужно писать в комментарии типа: "Песня класс!", "Крутая песня!", "Супер!" и т. д. Такие комментарии будут расцениваться как флуд и будут удаляться.
О чем нужно писать в комментариях:
Представьте, что Вы пишите рецензию, отзыв о песне. Расскажите, чем Вам понравился текст, музыка, какие чувства и мысли они у Вас вызвали. Отразите свое мнение в комментарии о песне.

Имя:

E-mail:

Комментарий:

LOIQ SHERALI ЛОИК ШЕРАЛИ – Chordard Чордард (в исполнении Зарины Точибоевой) 0